ما رايك في منتداكي

كيف ترين مظهر و محتوى منتداكي لكن التصويت

راهو بدون مجاملة مليح ومتاكدة راح يتشهر اخر

ام اسامة اقترح عليك ان تضيفي قسم للاشغال اليدوية وشكرا

ما شاء الله اعجبني تحفون واهم شيء كلو علي بعضو جزائري ونتمني يكبر ويزيد يكبر ويتشهر اكتر واكتر نزيد شويه ونعود نشعر هههههه

صبوحة كتب:ام اسامة اقترح عليك ان تضيفي قسم للاشغال اليدوية وشكرا

لكي ما طلبتي يا صبوحة

تسلميلي حبيبتي على اضافة الركن وباذن الله سيكون فيه ما يفيد الجميع

من طرف kaouther الجمعة 27 أبريل 2007 - 4:47

'طبعا جميل و متناسق جدا

و انا اقترح امكانية وضع وصفات بالفرنسية مع الاركان الاخرى و الا تخصيص ركن معين ليهها ادا حبيتى كيما نشوفو فى المنتديات المغربية . كاين اللى يكتب بالعربية و اللى يكتب بالفرنسية و احنا كجزايريين ما عندنا حتى مشكل حتى اللى ما تتكلمش بطلاقة , تفهم اللغة بكل سهولة
علاه نقولك هاد الاقتراح, لانى البارح شفت مجموعة من الحلويات تاع واحدة فى فرنسا تعمل حلويات للناس و طلبو منها الوصفات و اعطاتهالهم و انا حابة ننقل الوصفات هنا و صراحة ما عنديش الوقت للترجمة
واش رايك يا ام اسامة

سارى كوثران استطعت ان البي رغبتك وتاكدي ان كان دلك ممكنا ساضيفه

من طرف kaouther السبت 28 أبريل 2007 - 20:02

يعطيك الصحة انك لبيتى الطلب.

نحاول ندشن الركن عن قريب:D

السلام عليكم
هو منتدى روعة دون اي اثراء...ولك طلب صغير جدا.
ليس مضمونا وانما شكلا ...اطلب تغيير لون الفون دي كرون ..
في بلاصة الاسود ديري اورونجي ...والتابلو مثلا كروفات ...
المهم اتقبليها منو لانو يتسمى منتدايا انا ما دامو جزايري بحت...
ولا بدلي لي كولار خلاص ..ديري اخضر ففففففاتح واخضر اغمق منه بدرجة ...
حاولي ديريه كلار ...
ماهوش نقد وانما اقتراح ...وانا منكم
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ام اسامة صراحة المنتدى عاجبني حتى فاللون مليح احسه يجلب اكثر اما فيما يخص الفرنسية انا الحمد لله نتكلم ونفهم فرنسي مبصح مانحبهاش تكون معنا ماعلاباليش علاه حتى ولو نسجل في منتديات اخرى مانحسش روحي الاز قد مانكتب العربية وكل واحد ورايو ومليح رايحين كامل نجتهدو بالعربية والله فيه اللي ماتفهمش وتعجبها حاجة وتحرج وجزاكن الله خير مبصح كوثر لازم تكون هناك ترجمة يعني ترجمينا حوايج ربما مانفهموهاش راكي مسؤولة هههههههههههههه

منتادكي في كامل حلته ومتناسق وجميل

االلغة يا ام بثينة هى وسيلة فقط للتعامل و التفاهم بين الناس و هذا هو القصد هنا.

اخنا مش رايحين نردو المنتدى فرنسى , فيه العشرات من النتديات الاخرى البيو الطلب.
قصدى انه ادا كانت هناك وصفة بالفرنسية, لقيناها مليحة و نحبو الاخوات بستفادو منها. نحطوها هنا. اما ادا اتكلت على الترجمة , شوف ربى وفتاه تتحط. و زيد مش كل واحد يعرف اترجم بدقة.
هذا هو قصدى. و التعاليق, عادى تكون بالعربية مش نرجعوها فرنسية.

:36311: :122:

السلام عليكم ورحمة الله وبركاته
المنتدى ماشاء الله عليه منور بجماعة الخير

بالنسبة للفرنسية , أنا نفضل لو كان نستغناو عليها لأنهم العرب كلهم يحسبونا مانهدروش عربية , أنا هنا فالإمارات وين نروح خصوصا الطبيب ولا أي مكان أول سؤال يوجهوهولي تتكلمين عربي , وصدقوني تنقهرت من هاد الكلمة بصراحة العرب رايحين يخرجونا من الوطن العربي

ولهذا بما أنو المنتدى جزائري ويدخلولو كامل , مادابيا مايلقاوش علينا حجة بالي حنا يمانا فرنسا وهادي سمعتها بزاف

وكيما قال شيخ الإسلام ابن تيمية رحمه الله : الكلام بغير اللغة العربية نفاق

وبالنسبة للوصفات كي يترجمو عادي ماراهمش دواء نخافو نغلطو فيهم

سامحوني على الإطالة
وتحية كبيرة مني لجميع الوردات وعلى راسهم الؤلؤة أم أسامة

يا ساجدة استعمال اللغات الاجنبية و منها الفرنسية لا يعني بتاتا قبول اي انتماء غير جزائري او عربي بل هو لاثراء المنتدى و كدلك تسهيل المهمة على بعض العضوات الائى لا يتقنن العربية اتقانا شاملا كدلك فس المشرق تستعمل اللغة الانجليزية و لا واحد قال لهم امكم انجلترا ايضا اعقب على استشهادك بقول الشيخ ابن تيمية رحمه الله اننا لا نستعمل الغات الاجنبية فيما لا يرضي الله و انما لللاثراء و البرهنة ان المراة الجزائرية ملمة بدينها و كدا بثقافات الشعوب و لغاتهم "" من تعلم لغة قوم امن شرهم"""

أولا يا أم أسامة باش استشهدت بقول شيخ الإسلام الشرح ماجبتوش من عندي * قال بلي التكلم بلغة غير العربية مع اتقانها نفاااااااااااااااق * وماشي الشرح الي درتيه انت ماذكر لا الإفادة ولا الإثراء وابحثي على المصدر وشوفي

وثانيا لوكان راكي عايشة هنا وتتوجهلك دايما ملاحظة انتوما يماكم فرنسا ولا ادا تهدرو عربية تحسيلها مليييح مليييح , ادا ماراكمش فايقين العرب نحاونا من وسطهم الصومال الأعجمية ويعتبروها عربية بصح حنا وعلاه على خاطر نهدرو الفرنسية بزاااااااااااااااااف حتى القنوات ديالنا مخلطة , ادا زدنا كملنا فالمنتديات تهردت

والمرأة الجزائرية كاين باش تبان ماشي باللغة

والله ثم والله هادا واش زرعت فرنسا راهي تحصد فيه ماقدرتش على جدادنا قدرت علينا لأنو جيلنا وللأسف ضعيف الشخصية

اتمعن مليح فواش كتبت وخممي مليح ورايحة تلقاي بلي عندي الحق

المهم سامحيني على الإطالة وعلى تدخلي فيما لا يعنيني
تحياتي

اللغة يا ساجدة هى وسيلة فقط للتعامل و التفاهم بين الناس و هذا هو القصد هنا.
وهدا المنتدى راه ليكم ولكن وانا درت ركن الوصفات بالفرنسية تلبية لاحد العضوات .

احنا مش رايحين نردو المنتدى فرنسى , فيه العشرات من المنتديات الاخرى البيو الطلب.
قصدى
انه ادا كانت هناك وصفة بالفرنسية, لقيناها مليحة و نحبو الاخوات بستفادو
منها. نحطوها هنا. اما ادا اتكلت على الترجمة , شوف ربى وفتاه تتحط. و زيد
مش كل واحد يعرف اترجم بدقة.
اما كلامك الاخير راه زعفني لان المنتدى منكن ولكن وانا نتقبل كل الاقتراحات بصدر رحب وكل امور المنتدى تعنينا كامل بدون استثناء وشكرا على ملاحظاتك

يا أم أسامة ماراناش هنا باش نزعفو
وماطلبتش منك تلغي الركن , بالعكس المنتدى منتدانا وكل وحدة تطلب واش تحب
وانما حبيت نعبر عن رايي كعضوة فالمنتدى وكجزائرية
وكل واحد حر في رأيو وأفكارو

انا مش زعفانة بمعنى الكلمة ولكن انك تقولي الامر ما يعنينيش بالعكس مدامك عضوة ومشرفة لازم الامر يعنيك وما بيناتنا غير الخير حنونة وانا اكيد احترم رايك :14:

السلام عليكم اخواتي واشراكم والله يااختي ام اسامة صراحة حتى انا تعرفي يقولولي تتكلمي اللغة العربية لانكم تتكلمو فرنسي
قلتلهم لالا لغتنا العربية واللي زرعاتو فرنسا طبعا تلقاي الحصد والله تعبيري كيما اختي ساجدة ولانا جزائريات فنحبو نمشو مع المنتدى بقلب وعقل مش بنفاق ولهذا صارحناك صراحة مطلقة وكل واحد كيفاه يفكر ونكره كره شديد فرنسا وكيما قالت صبوحتي اللغة العربية مزروعة بقلبي واحبها ولا داعي للفرنسية ويا ام اسامة رانا نحبوك

هلا حبيباتي اكيد ما كانش اللي بكره فرنسا قدي ولكن هدا مش معناه اني اصبح فرنسية وولكن انا لبيت رغبة عضوة عزيزة علينا كامل وقالت انها عندها وصفات بالفرنسية وما تقدرش اترجمها لانه ياخد وقت وما فيها والو كتحط واصفات واكيد الردود رايحة تكون بالعربية وهناك مقولة تقول من تعلم لغة الناس امن من شرهم وانا ما درت والو هو فرع صغير جدا يلبي حاجات البعض منا وانا صدقيني احترم اراكم واقدرها فهدا يبرهن مدى اهتمامكم بالمنتدى وحرسكم على نجاحه وبارك الله فيكم

بارك الله فيك حنونة واسمحينا وعلابالي نزول لرغبة اختنا كوثر ماعليش حنا برك عطينا ارائنا

اهلا بيكم خواتاتي وصحي رمضانكم علبالي بلي جيت متأخرة وردي راح يكون متاخر بمدة شهرين وشويه يمكن انتوما نفسكم نسيتوه موضوعكم حتي تلقاو ردي فيه وبما اني عضوة في المنتدي قبل ما نكون مشرفه فيه حبيت نعطي رأيي
اولا باش نكونو فاهمين مانيش ندافع عن فرنسا وانا ساكنه فيها بحكم الضروف
شوفوا يا خواتاتي انا مع اختي صليحه لانو من عرف لغة قوم امن شرهم وهذا المنتدي راهو عربي اصيل وما فيها والو كي نعملو فيه فرع صغير للوصفاة باللغه الفرنسيه او اي لغه اخري المهم تؤدي الغرض وكاين اللي يفهمها لانو فيه اخوات ما يتقنوش العربيه وحابين ينخرطوا في المنتديات ولكن مشكلتهم اللغه وانا راني نتكلم علي المنتديات بصفه عامه ماشي منتدانا هاذا بالضبط لانوا احنا فيه كلنا نعرفوا العربيه والحمد لله لغة بلادنا ومن المفروض ما يكونش هناك تحيز للغه معينه لانو كل ما نعرفوا لغه يكون احسن لينا وباش نضحككم شويه شوفوا انا نسكن في الطابق الارضي وكي يكون فيه واحد قدام التاقه نسمعوا مليح كي يهدر امالا الحكايه كان فيه (زوج نسا يهدروا بالعبريه لانهم يهوديات وكانو يهدروا علي فلسطين فتمنيت اني لو كنت نعرف لغتهم هههههههه حتي نفهم واش يقولوا علي خاوتنا الفلسطينين ) وعلبالكم بلي هوما يهدروا العربيه مليح مليح بصح ما بيناتهم وكي يشوفوا عربي يلعبوها ما يفهموش باش نكونو علي راحتنا ويقدروا يفهمونا كي نهدروا عليهم وهذي عن تجربه فيجرياني كلهم يهود اللي كانوا في الجرائر واللا المروك واللا تونس وكاين جاري الفوق من قسنطينه علي العموم ان قلتلكم هاذ الهدرة باش تعرفو اللي يعرف لغة قوم امن شرهم
وعلي فكره انا ما نتقنش الفرنسيه بحكم اني قريت في دول الخليج (الكويت)واغلبية عمومي ماتوا شهداء في الحرب وبابا تاني قريب مات مضروب بالرصاص من كل جيه وصبعوا طاير من الرصاص الغادر الفرنسي ويا كرهي ليهم ولكن يا ريت كنت نتقنها نقدر نقراها ولكن ما ننطقهاش مليح لاني ما درستهاش في المدارس يعني باش تعرفوا بلي مانيش متحيزه لجهه معينه وفي الاخير نقلكم سامحوني علي الاطاله وكل عام وانتن اخواتي الغاليات بخير

السلام عليكم
المنتدي جميل و يكفي انه جزائري و التحسين ياتي بالوقت و التجربة.
انا اقترح منتدي للخياطة و شكرا.

شكرا كنزة على الاثراء واكيد المنتدى جميل بيكم فانتم من سيثريه ويجعله منتدا جزائريا نفتخر به جميعا
اما عن ركن الخياطة فهو مندرج في ركن الحرف اليدوية والمشرفة عليه الاخت صبيحة وهي خياطة كبيرة في الاصل
شكرا لاهتمامك واهلا بكي معنا ونورتي المنتدى :104:

ما رايك في منتداكي

كيف ترين مظهر و محتوى منتداكي لكن التصويت

ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي

رد: ما رايك في منتداكي