شخشوخة الظفر بالشرح و الصور

نبدا بسم الله .نضع في قصعة السميد و من الاحسن رقيق و باش يجيكم مليح شوفي نوعية مليحة حطي قليلا من الملح ماتكتريش و هادا لان المرق يكون فيه الملح اعجني مع اضافة الماء تدريجيا ما لازمش تكون طرية باش ما تتعبيش عندما تحليها بالحلال لازم تعجنيها مليح بصح تبقى ناشفة ديريها كرات صغار غطيهم بمنديل
[ندعوك للتسجيل في المنتدى أو التعريف بنفسك لمعاينة هذه الصورة]
حليها رقيقة
[ندعوك للتسجيل في المنتدى أو التعريف بنفسك لمعاينة هذه الصورة]


حطيها تطيب في الطاجين انا نستعمل تاع المطلوع نقسي في النار باش ما تتحرقش لازم تنشف برك تكون شفافة ادا طيبتيها بزاف تدير بقع و تتحرق

[ندعوك للتسجيل في المنتدى أو التعريف بنفسك لمعاينة هذه الصورة]




اقسميها و حطيها في قطعة قماش الاحسن لونها ابيض لما تبرد ضعيها في كيس نيلون و ضعيه في التلاجة باش ما تيبسش ادا كانت الكمية كبيرة
[ندعوك للتسجيل في المنتدى أو التعريف بنفسك لمعاينة هذه الصورة]
فتتيها بالظفر و لازم تكون رقيقة في التفتات كيما في الصورة
[ندعوك للتسجيل في المنتدى أو التعريف بنفسك لمعاينة هذه الصورة]
و فيما يخص المرق نضع اللحم او الدجاج ملح فلفل اسود بصل حبات حمص طماطم مصبرة زيت تقلي كلش مليح من بعد تمرقي و المقادير حسب عددافراد عائلتك تاخدي الشخشوخة لي تكوني يبستيها مسبقا عدة ايام في الظل تم تحطيه في الشمس لما تيبس مليح ضعيها في قصعة و صبي عليها الماء بزاف و قطريها في كسكاس مليح ادهنيها بالزيت حطيها تتفور المرة الاولى ومن بعد بليها بشوية ماء خليها ترتاح فوريها للمرة التانية بعد ما تكوني اسقيتيها بقليل من المرق و طيبيها مباشرة قبل موعد التقديم باش تبقى كل حبة وحدها لما تجي تجمريها المرق يكون سخون حطي فيه الشخشوخة و يكون المرق شوية برك فوقها

وصفة منقولة

وهي مشهورة هنا في قسنطينة يعطيك الصحة لانك حطيتي الطريقة والوصفة لصنع هذا الطبق الرائع اممممممممم

[ندعوك للتسجيل في المنتدى أو التعريف بنفسك لمعاينة هذه الصورة]

بصحتك ام لميس تبان شهية

انا درت تريدة تاع الموس في اول محرم وان شاء الله ندير شخشوخة في عاشوراء مع الصيام ان شائء الله التاسع والعاشر من محرم

ربي يتقبل منا جميعا انا ثاني نحب الجاري تاع الفريك بلاك ندير شوية مع الشخشوخة ان شاء الله

تشهي يعطيك الصحة ملات خويا دارتهانا تهبل