رد: يوميات عضوات منتداكي

تسلمي دودو معليش كيف كيف علاء ابني واسامة ابني

ربي يكون في عونك انت ثاني

وينكم يا عضوات منتداكي وين رحتم ؟

نحن هنا لكن الويكاند راكي تعرفي الزيارات واستقبال الضيوف الخ لهذا يقل دخول العضوات

الحمد لله كي إطمنت عليكم

دودو طمنيني وصلك جوابي على الامتحان الثاني في سورة البقرة ولا لالا

امممممممممممم ان سخفني البغرير ام اسامة بصحتكم دودو كيفاش جاتك البسبوسة راني نسيت نقلك حطيلها العسل كتخرجيها من الفور

دودو انا البارح كنت غائبة من البيت عندي زيارة لمريضة من عائلة دعواتكم ليها بالشفاء وان يفرج ربي كربتها

انا اليوم عاملة اضراب عن العمل في البيت هههههههههههههه نمزح فقط رايحة ندير كسرة رخصيص ونشري اللبن وخلاص كرهت الطبيخ كل اليوم ههههه

السلام عليكم معليش راني تأخرت عليكم لأنه عندي ضيوف و كل ما نلقى فرصة ندخل و نرد عالمشاركات
بالنسبة للشغل نضفت البيت ككل يوم و عملت الغداء مريسة و معاها petit pain و جو هايلين

أم أسامة رايحة نحط الإجابة فورا بإذن الله

سعاد بصحتك اللبن و الكسرى و الله خير ما عملت و البسبوسة و الله ما درتها ما لقيتش الوقت لخاطر عندي الضياف

اسعد الله صباحكم يا بنات انا اليوم رايحة ندير شوية حلويات باش ندير حفلة صغيرة لعلاء مع اصحابه وعندي غسيل ملامس واما الغداء ندير سردين وفريط وسلطة هذا ماكان في الساعة الحاضرة

يسعد صباحك أم أسامة و ربي يعينك على القاطو و بصحتك السردين
أنا أيضا اليوم عندي غسيل الملابس و رايحة ندير الغداء رز جردينيا و معاه صوص طوماط و هذا ما كان و العشية نلم الملابس و نطبقها و تاع المكوى نفوت عليها المكوى

انا جيت نطل عليكم و نقولكم صباح الخير ورايحة زيارة لبيت اهلي ................باي

بالسلامة سعاد و إن شاء الله تفوتي أسعد الأوقات

صباح الخيرات والبركات واشراكم اليوم يا اعز صديقات
انا اليوم حفظت الوارد اليومي القران ودخلت للمنتدى نسلم عليكم وضرك نروح للاغشال الشاقة الي راهي تسنى فيا من طبخ ونفخ ومسح وغسل ......الخ

اليوم رايحة ندير شوية فلفل حميس ونخبز كسرة المطلوع وشوربة فريك معاها

إمممممممممممممممم فتحت نفسي أم أسامة راني رايحة نجي نتغدى عندك اليوم هههههه
أنا راح ندير كسرة كوشة و طاجين محشي و باقي الشغل و نضيف عليه غسيل زوج زرابة و ربي يعيننا

ربي يعينكم يا نساء انا جيت صباح من بيت اهلي في المساء عندي عمل كثير في المنزل رايحة ننفظ الكوزينة منبعد نزيد نرجع ان شاء الله

صباحكم فل وعنر وين راكم اليوم وقيلة راكم تفنيت اليوم هههههههههههشوفو انا البارح نفظت الكوزينة واليوم رايحة ننفظ الصالون بالنسبة للغداء درت كسكسي بالخضر و الدجاج ومعاه سلاطة

إيه يا سعاااااااااااااد باين فيك شاطرة
أنا ثاني بديت في النفيض : اليوم نفضت الصالون الصغير و درت الغداء لسان عصفور بالدجاج و معاه فلفل مقلي و ضرك رايحة ندير حمام زيتي لشعري و حمام بخار لوجهي و نكملها بدوش إن شاء الله

الله على فحلات المنتدى راكم شاطرات ههههه ربي يعاونكم انا ما عنديش بزاف عملت صبغية للدار كامل على بيها راهي منظيفة

بصحتكم سعاد ودودو على الغداء

انا درت سوفلي محشي باللحم المرحي والفرماج
ودرت معاه شوربة عدس مرحية

إيه تهنيتي يا عربية من الخدمة و قوليلنا السوفليه كيفاه تديريه