المجمد و ما أدراك ما المجمد

موضوعي اليوم عن المجمد الذي أصبح جزء لا يتجزء من الأمور التي تحتاجها ربة البيت و خاصة الموضفات و حتى ربات البيوت و أكيد كل سيدة عندها بعض الأفكار أو بعض الأمور اللي جربت جمدتها و نجحت معاها و يا ريت كل عضوة تدخل و تكتب واش تخبي في الكونجيلي تاعها و نجح معاها و أنا راح نكتبلكم واش جربت و نجح معاي و يا ريت الكل يتفاعل مع الموضوع باش يستفيد الجميع

شكرالك ولي عودة ان شاء الله لاخبركن عن الاشياء الي كنجليتها

نبدأ أنا الأولى على بركة الله
-الطماطم الوقت اللي تكون فيه رخيصة الثمن نشري كمية كبيرة و نغسلها و نغليها غلوة أو إثنين فقط و نحيها من الماء و هي سخونة و نحيلها قشرتها و طول عالميكسار نرحيها و من بعد نخبيها في باطات زبدة لا بال يكونوا نضاف و نخبيهم في المجمد و كي نحتاج ندير بيتزا أو صوص طوماط نخرج من المجمد و نستعملها و تبقى كيما هي
- الفواكه مثل المشمش الفراولة نغسلهم و ننزع منهم النواة و نقسمهم على إثنين و نخبيهم في أكياس و كي نحتاج ندير عصير أو كريمة أو نزين تارت نخرجهم من المجمد و نستعملهم
- البرتقال كي يكون رخيص الثمن نشري البرتقال و نغسله و نعصره و نعمله في قوالب الثلج و نضعهم في المجمد و كي يجمدوا نضعهم في أكياس و نحفظهم في المجمد أيضا
يتبع

وانا ثاني نكنجلي الطماطم بنفس طريقتك وزيد على هدا الجلبابة نكنجليها حب في شكايرة نيلييون وكنحب نستعملها نخرجها وحطها مباشرة في القدر فوق النار ، بصح الفواكه لالا ما نكنجليهش .
نكجلي كل شهر نصف كيلو حمس مرنخ في الما من قبل بيوم نصفيه ونحطو فيى الباط تاع الكنجلي وكي نحتاج نجبد في الوقت الي نحب

ولي عودة ان شاء الله

الجلبانة يا أم أسامة جربتها قبل في الأكياس لكن عند الطبخ يتغير طعمها و قاتلي صديقتي طريقة رائعة نحفظها بيها و تبقى كما هي : نفصص الجلبانة و نفورها 10 دقائق و نفرغها في حاجة واسعة و نتركها تبرد و نفرغها في قارورات إفري فارغين و نضاف و نحفظها في المجمد و عند الطبخ و كأنها جديدة

من طرف arabia الخميس 2 يونيو 2011 - 15:36

ما شاء الله راكم فحلات
انا جربت نكنجلي الخبز في اكياس ولما نجبدو انحيه من الشكارة نخليه ديكنجلى مع الوقت و والله كانه هذاك وين شريتيه من عند الخباز اما طماطم نكنجليها حب وكي نجبدها نحطها في شوية ماء دافي باش تتنحى القشرة
ومن بعد نرابيها ونستعملها عادي

arabia كتب:ما شاء الله راكم فحلات
انا جربت نكنجلي الخبز في اكياس ولما نجبدو انحيه من الشكارة نخليه ديكنجلى مع الوقت و والله كانه هذاك وين شريتيه من عند الخباز اما طماطم نكنجليها حب وكي نجبدها نحطها في شوية ماء دافي باش تتنحى القشرة
ومن بعد نرابيها ونستعملها عادي

يعطيك الصح عربية فكرة باهية تاع الخبز
وين تتفكري حاجة أخرى أدخلي واكتبي باش نستفيدوا معاك

من طرف arabia الخميس 2 يونيو 2011 - 16:10

ان شاء الله

- بعض الأفكار الأخرى : بالنسبة للحبوب الحمص و الفول تاع البركوكس و الفاصوليا نشريهم و ننقيهم من الأوساخ و نغسلهم و نرنخهم في ماء مغلي و مغرفة كربونات و نتركهم ليلة كاملة و في الغد نصفيهم من الماء المنقوع فيه و نضيفلهم ماء نضيف و نتركهم يغلوا نص استواء و نصفيهم و نتركهم يبردوا و من بعد نضعهم في أكياس في درج المجمد و نكتب على كل كيس إسم النوعية نتاعه و عند الإستعمال يجيني كل شيء ساهل
لي عودة مرة أخرى

حياتي كلها لله كتب:الجلبانة يا أم أسامة جربتها قبل في الأكياس لكن عند الطبخ يتغير طعمها و قاتلي صديقتي طريقة رائعة نحفظها بيها و تبقى كما هي : نفصص الجلبانة و نفورها 10 دقائق و نفرغها في حاجة واسعة و نتركها تبرد و نفرغها في قارورات إفري فارغين و نضاف و نحفظها في المجمد و عند الطبخ و كأنها جديدة

نجرب طريقتك ان شاء الله مع اني مجربة طريقتي ونجي هايلة ما فيها حتى ريحة ابدا

حتى الزليكو او اللوبيا الخضراء
انا نضفها ونقصها ونغليها 10 دقائق ومن بعد نصفيها ونحطها في ماء بارد و5 دقائق ونصفيها ونكجليها اكايس بلاستيك مخصصة للفريزر اما بال
نسبة للحم نغسلو مليح ومنبعد نقطرة ونحطوفي اكياس صغيرو مخصصة للمرق ونكنجليه

ام اسامة كتب:حتى الزليكو او اللوبيا الخضراء
انا نضفها ونقصها ونغليها 10 دقائق ومن بعد نصفيها ونحطها في ماء بارد و5 دقائق ونصفيها ونكجليها اكايس بلاستيك مخصصة للفريزر اما بال
نسبة للحم نغسلو مليح ومنبعد نقطرة ونحطوفي اكياس صغيرو مخصصة للمرق ونكنجليه

أحسنت أم أسامة على المعلومات و نجرب أنا تاني اللوبيا الخضراء فكرة جديدة و لكن أضن الآن راهي مازالت غالية ؟ :

- بعض التدابير الأخرى التي يمكن إستغلالها في المجمد :البروكلي أو بما يسمى الشوفلور ينضف جيدا و يقسم في أكياس حسب الحاجة ثم يوضع في المجمد و عند الإستعمال نطهيه عالبخار و يبقى بنفس النكهة .
- هناك أكلة تستصعبها أكثر ربات البيوت ألا و هي المحاجب و لكن هناك طريقة مبسطة : في نهاية الخريف يكون ثمن البصل رخيص قومي بشراء كمية لا بأس بها و أعملي حشو المحاجب كالعادة و تكون كمية كبيرة و اطهيها و كي تبرد قومي بتقسيمها في علب لا بال نضاف و يكتب عليها حشو المحاجب و تحفظ في المجمد و عند صنع المحاجب ما عليكي سواء عمل العجين فقط (مجربة مني شخصيا )

افدتونا بافكاركم النير يعطيكم الصحة

ادخلوا هدا الرابط ورايحين تستفادو كثيرا

https://montadaki.1talk.net/t924-topic?highlight=%CA%CC%E3%ED%CF+%C7%E1%CE%D6%D1

المجمد و ما أدراك ما المجمد

المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد

رد: المجمد و ما أدراك ما المجمد