لوجه نظر طوال الأسبوع دون ماكياج

عندي ليكم وصفة هايلة و مجربتها أنا شخصيا ووجهي ينور طوال الأسبوع و بدون ما نحط ماكياج
نبدأ في المفيد نعمل كوماج لوجهي و هذا الكوماج نديرو من أسبوع لأسبوع و هو كالآتي :ملعقة فازلين و ملعقة زيت زيتون و ملعقتين سكر عادي نخلط المكونات مع بعض و ندلك بيهم بشرة وجهنا برفق إلى أن يحمر نعم يحمر ما تخافيش و تغسليه مليح أنا نغسله بصابونة إسمها baby star تتباع في الصيدلية و بعد ما نغسل وجهنا ننشفه مليح و ندهنه بهذا المزيج فورا و هو أحمر و سخون باش تستفيد منه البشرة نتاعنا و المزيج عبارة عن : ملعقة زيت الجليسرين + ملعقتين ما ورد و ندهن بيهم وجهنا مليح حتى يتشربه الكل و تباتي بيه و في الغد مش رايحة تصدقي نفسك عند رؤية وجهك في المراية روووووووووووووووعة طبعا هذا يندار في المساء و من الأحسن قبل النوم
و كل يوم ندهن بمزيج زيت الجليسيرين و الماء ورد أما الكوماج مرة واحدة في الأسبوع
ملاحظة : أنا نطبق في هذه الطريقة حتى على يديا و رجليا mais روعة و بالأخص لصاحبة البشرة الجافة مثل بشرتي
و اللي تجرب هذه الوصفة تدخل و تحكيلنا عالنتيجة كيفاه طلعت معاها