سلطه سهله واهم شيء صحيه

المقادير
تجيبي القمح الجاهز للطبخ وهو يباع متل الرز
وتجيبي كمية كاسين وتتحطيهم في قدر واغمريهم بالماء وخليه يطيب وعندما ينضج صفيه من ماه
وجيبي حبه كبيره طماطم وقطعيها مكعبات
وحبه خيار كذلك قطعيها مكعبات
وذره معلبه مقدار كاس
وخيار مخلل (مصبر) وحبات زيتون
واي اضافات تحبيها مثل المعدنوس او البازيليك تقدري اتضيفيهم يعطيو نكهه مليحه وكذلك الجبنه الفرماج اليوناني اللي يجي علي شكل مكعبات وفيه بهراتو للاسف ما كانش عندي موالفه انديرو الطريقه تخلطي كل المقادير مع بعضها وتضيفيلهم الخل والملح وزيت الزيتون حسب ذوقك (صوص السلطه) الاعتياديه انتاعك والا حبيتي ديريها بزيت عادي انتي وذوقك ولكن بزيت الزيتون احسن للصحه وبصحتين علي قلبكم
علي العموم ما نطولش عليكم بزاف نخليكم مع الصور

[ندعوك للتسجيل في المنتدى أو التعريف بنفسك لمعاينة هذه الصورة]وهاذي اخر صوره حطيتها وانا نفطر اليوم باش اتشوفو الجو الربيعي كنت راح انخرج وليدي يلعب اشويه قدام الدار بصح رقدلي خير هاكدا توانست معاكم هاد لعشيه براحتي وان شاء الله تعجبكم الوصفه

يعطيك الصحة ام بدر شهيتينا بهدا السلاطة الباهية والبنينة ، اما المكان راه رائع كيفك حنونة

تشكري علي الكلام الحلو ام اسامه وشفتي الحال عندنا من مده الجو ربيعي وانتوما في الجزائر الحال امطار او برد سبحان الله دوام الحال من المحال يمكن الجو كلو تاع الكرة الارضيه راح يتغير والعلماء ايقولوا هاذا راجع لطبقة الؤوزون والله اعلم