لوكان كنت فبلاستي كيفاش تتصرفي؟؟؟

السلام عليكم ورحمة الله وبركاته
حبيت اليوم حكيلكم حاجة صراتلي واعطوني رايكم
نبدا بلا مقدمات
كاين وحدة مرت صاحب زوجي , تعرفت عليها من سنتين ونص تقريبا , كنا في رمضان , جات للجامع وجاتني للدار تعرفت بيها , والحمد لله انسانة خلوقة , بعد اشهر ولدت ورحت هنيتلها في دارهم , هي من النوع الي تحشم وساكتة بزاف , ماشاء الله يماها وخياتها رحبو بيا ويقصرو , اما هي تضحك برك , وادا قصرت حاجة قليلة .
يامات بعتلها رسالة كان يوم جمعة , ردت عليا كتبتلي من الأخت ؟ رجعتلها قلتلها انا فلانة , اتصلت بيا وقالتلي سامحيني بدلت موبيل وراحولي ارقام , مرت الأيام وحدة صاحبتي ولدت (ورجالنا ملهم يتعارفو ), راجلها صلى مع زوجي وقالو بلي الاهل يسحقو اهلك ادا ماعليش يتصلو عليهم , المهم اتصلت بيها قلتلها خير , قالتلي سامحيني راحلي الرقم تاعك , حبيت تعطيني الرقم تاع فلانة نباركلها وهوما ماعندهمش علاقة هاديك المرة الأولى, المهم اعطيتهولها , وخلاص , جا العيد الحمد لله تفكرتني بميساج , اومباعد زادت ولدت اتصلت بيها وباركتلها وكي العادة ماعرفتش الرقم تاعي ( وانا مانخبيش عليكم بديت نتقلق من هاد الموقف )في داك الوقت انا كنت حامل فالشهر التاسع وكانو عندي دارنا , ماقدرتش نروحلها , بعدما ولدت انا ماباركتش حتى بالتيليفون , كي ريحت من النفاس ودارنا راحو رحت هنيتلها على بنتها واعتذرت على التاخر, رحبت بيا ترحيب ماعندوش حد ودارتلي عشا وقالتلي لالا عادي , روح..........من بعد بكاش شهرين ماتت اختها رحتلها لدارهم عزيتها , وكي العادة ترحيب كبير من اماليها وهي سكوتية ما تقصرش وهذا هو طبعها , المهم من بعد اسبوع عاودت اتصلت نسقسي على يماها ادا صبرت , نزيد نتفاجأ بيها تقولي من الأخت وكي قلتلها فلانة , قالت سامحيني راحلي الرقم تاعك , كي قطعت الاتصال , مسحت الرقم تاعها وحلفت لوكان ماتعيطليش مانزيد نحوس عليها
وكيما كان الحال جاز العيد وعيدين ومابانتش , ودوك راني ندمانة الي محيت رقمها لأني سمعت بيها مريضة وحبيت نطمن عليها

بالله عليكم لوكان كنتو فمكاني واش تديرو ؟

السلام عليكم اختي ساجدة
ما نخبيش عليك ما لقيت واش نقولك
المهم انت عملتي الي عليك وقمتي بالواجب كم مرة
والله اعلم بنيتها في نسيان او تناسي رقم موبايلك
المهم التمس لاخيك سبعينا عذرا فان لم تجد له عذرا فقل لعل له عذرا
هكذا علمنا نبينا صلى الله عليه وسلم
ما تلومي نفسك لانها لو ارادت التواصل لحاولت زيارتك ورد الزيارت التي قمتي بها انت
واخلصي النية لله واستغفري لها فان استغفارك لها يعتبر استغفار لك
اعرف انك تعلمين هذه الامور لكن من باب التذكرة

بارك الله فيك اختي بنت الاوراس على الرد و الاهتمام

السلام عليكم و رحمة الله تعالى و بركاته

جزاك الله الجنة اختي ساجدة انا مع بنت الاوراس و معك في نفس الوقت

و انا على حسب رايي الواحدة منا تنسى مرة او اثنين ماشي كل مرة و حتى لو ننساو

رقم الهاتم تبقاي متفكرة صوتها و انت الان درتي الازم و اكثر و ما بقالك الا الدعاء لها

بالشفاء و الا كانت هي حابة تتواصل معك كانت اتصلت بك و هذا رايي

[ندعوك للتسجيل في المنتدى أو التعريف بنفسك لمعاينة هذه الصورة]